Hûmara Çarin ya Wêje û Rexneyî vejîya.

Hûmara Çarin ya Wêje û Rexneyî, bi sernameyê “Wêje û Trawma I”î vejîya.

 

Kovara çarmengî ya cigêrayîş, rexne û teorîyê edebîyatî ke Amed de vejîyena, bi hûmara xo ya çarin reyna verê wendekaran de ya .

Kovare, sey hûmaranê xo yê bînan na hûmare de zî bi muhtewayêka dewlemende vejîya. Kovara Wêje û Rexneyî, bi awirê analîtîk û rexneyî  trawmaya edebîye ser o vindena û wazena no tesîr hinîke bişikino.

Na humare de derheqê dosya de des hebî nuşteyî estê. Di hebî roportajî ke nînan ra yew zî zazakî yo estê. Nuştox Mehmud Nêşite reyde roportaj bi zazakî ameyo viraştiş. Remezan Alan zî bi nuşteyê xo “Dengbêjî û Helbesta Gelêrî” ca girewto. Xulasa 20 hebî nuşteyî na kovare de estê.

Kovara Wêje û Rexneyî de lehçeyê kurdî, awiran ancenê xo ser. Na kovare de 4 nuşteyê zazakî û nuşteyêk zî bi lehçeya soranî ca gêno.

Nuşteyê bi zazakî:

Ehmed Kirkan: Kirmanckî de Edebiyatê Dîyasporayî û Şîîra Malmîsanijî

Murad Aygun: Mehmûd Nêşîte Reyde Roportaj

Veysel Yildizhan: Bi Sembolzanî û Arketîpan Tehlîlê Sanika “Hîrê Çênêkê Feqîrî”

Mutlu Can: Tarîxê Sînema De Reçê Verênî Yê Kurdan