Xeberê Peyênî
Sanikanê Mamekîye ra

Sanikanê Mamekîye ra

nadire

Yew mude cuwa ver Nadîre Güntaş Aldatmaz kirdkî de tezê lîsansê berzî yê tewr verên nuştibî. Nika zî metnê ke tezê xo de nuştibî, înan ra yew kitab ardo pê û no kitab zî weşananê Unîversîteya Artuklu ya Mêrdînî ra weşanîya. Nadîre Güntaş Aldatmaz na xebata xo sanikê ke Mamekîye ra arêdabî sey kitab weşana. Tede vîst û hewt hebî sanikî estê. Sanikî ke no kitab de yê nê yê: Alik û Fatik, Dêmarîye, Wayê ve Birawû ra, Feqîr û Kesike, Pîre û Luye, Hes û Luye, Luya Dekbazê, Bize û Bizikê Xo, Cencênî de Yan kî Kalênî de, Kutik û Bize, Wisiv Pêyxamber, Guzelî Hemed, Hayig-I, Hayig-II, Kose, Hîre Çênekê Feqîrî, Lazê Pîre, Sayê Morû, Beqe, Şa Hemed, Memloçik, Voreko Çilmkin, Sanika Feqîrê Tersonekî, Barî Tala, Piswejîr, Qemer Koçek.  Na xebate seba kultur, bawerî, xiyal û vîrê Mamekîyan yew çimeyo muhîm a. Heto bîn ra zî sanikî seba fekê Mamekîye yew xezîneya giran ê. Kesê ke fekê Mamekîye xebetîyenê ganî verê cû sey xebata Nadîre Güntaş Aldatmaz folklora Mamekîye rind bizanê. Na xebat wina yew îmkan dana xebatkaranê ziwanî, wendekarî û şarê Dêrsimî.

Semedê na xebata erjîyaye ma zî Nadîre Güntaş Aldatmaz tebrîk kenê û seba weşanayîşê kitabanê kirdkî zî Unîversîteya Artuklu yê Mêrdîn rê zî teşekur kenê.   Wa heme xebatkaranê ziwanî, wendekaran û şarê ma rê xeyrin bo.

Şîroveyî qefelîyaye yî

Scroll To Top
Pêro heqê na sîteyî ayê www.kirdki.com'ê. Na sîte pê çîynermê komputure ye azad ra virazîyaya. Seba têkilîya infokirdki@gmail.com - Web Dizayn: Yo-Ten