Kirdkî.com Xirbanê xo ra bigêrîn, şênayîyê şarî ra megêrîn
Rojnameyê Zazakî ke safî bi kirdkî vejîyeno, hûmara xo ya hîrêyîn vet. Na hûmare de semedê serra newî ya yew nuşte, unîversîteyê oxford de dest pêkerdişê dersa kurdî, erdlerzê Wanî, bedelîyayîşê tabelayanê şarêdarîyanê BDPyî, sixletê dejiwanê Bedranî, wecaxê asinê Dara Hênîyî, dejê kurdan Roboskîyî, namzedî şaredarîyê Çewlîgî û qezayanê ciyî, mezelo temirnayî yê serewedartişê Şêx Seîdî, vejîyayîşê albumê Mucahît Gokerî, kiştişê pezkovîyêkî ke seyddaran kişto xeberî estê. Ancî derheqê nuştoxo kird Seyîtxan Kurij ser a yew nuşte, rojname û kovaranê kurdan ser o yew nuşte, Mehmûd Nêşite ra meqaleyêk, qehwexaneyanê Çewlîgî ra fotografêk û yew nuşte, çend vateyê verînan û dêkî, , weşî-nêweşî, mintiqayê Boglonî ra yew sanike û kayvate, Remzûn Şargeyîj ra yew şîîre, karîkature, xeberê sporî yê mintiqayê Çewlîgî, nameyê lajekan û keynekan, nameyê nebatan û ferhengok estê.
Rojnameyê Zazakî aşme de hewe vejîyeno û zafane fekê Çewlîgî şuxulneno la tede nuşteyê ke bi kirdkîya standart nusîyê zî estê. Semedê têkîlîye rojname de no numre dîyo: 0532 050 33 11.
