Kirdkî.com Xirbanê xo ra bigêrîn, şênayîyê şarî ra megêrîn
Şewato ke qezayê Darahênî de nêzdîyê aşmêk cuwa ver vejîyabi, hema zî dewam keno u pabeyê hewnakerdişî yo.
Malumato ke resayo ma: Daristano ke ho mîyanê dewanê Xodan û Kelaxsi ke pabesteyê qezayê Darahênî yê de nêzdîyê aşmêk cuwa ver şewat vejîya. Muxtarî dewa Doganliyî wina va: “Ez demê vejîyayîşê şewatî de uca da bîya û mi Qumandarîyê Qereqol ê Suweranî û Şeftîyê Gureyanî Daristanî yê Darahênîyî şewat ra xeberdar kerdî la qet yew xebat nêvirazîya.” Keya Riza Seçerî wina dewam kerd: “Ez wazena ke seba hewnakerdişê şewatî, meqamê resmîyî lez û bez dest bi xebat bikerî.
Hela ke şewat newe vejîyabi ez bi telefon gêraya Qumandarîyê Qereqolê Suweranî; berpirsîyarê ucayî vat ke: -“Seba endîşekerdîş a çîyêk çin o. Eskerî, tena vaşo huşko ke dormaleyê qereqolî de yo hey veşnênî!” O çax şewat hewna nêkerd û dima mi Şeftîya Gureyanê Daristanî yê Darahênî’yî xeberdar kerd. Personelê şeftîya gureyanê daristanê Darahênî ameyî uca û ewnîyayî ci. Va: “Cayo ke tede şewat vejîyo ma nêeşkenî biresi ci” û agêrayî.
Şewat, merkezê qezayê Darahênî ra zî êseno û nêzdîyê yew aşma (menge) ho dewam keno. Keya Seçerî, (mesulan)berpirsîyaran ra seba hewnakerdişê şewatî yew game ver dest bi xebatkerdişî waşt.
