Kirdkî.com Xirbanê xo ra bigêrîn, şênayîyê şarî ra megêrîn
Viktor Pietschmann (1881-1956) esilê xo Awusturya ra yo. Muzeyê tarîxê tebîetê Wîyana de xebetiyo. Xususen maseyan ser o xebat kerdo. Zaf cayan ra nimûneyê maseyan arê dayo. Behrê Barentsî, Gronland, Kurdistan, Ermenîstan, Hawaî, Romanya û Polonya ra gêrayo û masê arê dayî. Zaf cinsê maseyan ca kerdî. Serra 1932 de Partîya Karkeranê Sosyalistî yê Almanya NSDAP rê bi endam. Serra 1946 de teqawid bi. 11 teşrîne(kasım) 1956 de merd. Wexto ke serra 1914 de Kurdistan û Ermenistan ra gêra, xeylêk fotografî zî antbî. Badê cû nê fotografê xo yew kitab de ardî pêser. No kitabê ey serra 1940 de Wîyana de çap bi. Nameyê kitabê ci “Durch kurdische Berge und armenische Städte : Tagebuch der österreichischen Armenienexpedition 1914” (Koyê Kurdan û Bajarê Ermenîyan ra) yo.
Nê fotografî seba tarîxê ma çimeyê muhimî yê.
