François Balsan

François Balsan 25 Hezîran Serra 1902 de ame dinya. Esilê xo Fransa ra yo. Tucarê purtî yo. Gêraye û kaşîf o. Serra 1935 ra hetanê Serra 1972 zaf welatan ra gêra û xeylêk kitabî nuştî. Gêrayişê xo kerdî kitabî. Nê gêrayişanê ey ra yew zî hetê Kurdistanê Tirkiya ra bi. No geryişê xo serra 1944 de binameyê Les surprises du Kurdistan kerd bi kitab. No kitab 313 rîpel ra yeno pê. Tede cayekê Kurdê Zazay cuwiyên behsê ci keno. Nînan ra Xarpêt, Palo, Çewlîg û Gimgim zaf muhîm ê. François Balsan yew het ra zî fotografî antî. Nê fotografî zaf orjînal ê.