Kirdkî.com Xirbanê xo ra bigêrîn, şênayîyê şarî ra megêrîn
Westayê palanî Hamdullah Akyol (37), karê pîyê xo yê ke qijî ra dest pê kerd no karî rê vano ke: Palankarî ha mirena û wayîrê ci zî çin o. Dikanê xo yo qijkekî ke ho Taxê Bahçelîevlerî, Cadeyê Gencî de bi serran a heran, qatiran û estoranî rê palanan derzeno û sanatê xo îcra keno.
Hamdullah Akyol vano ke; “Ez hama qij (tut) biya, mi cayê pîye xo de çiraxtî ra, zerrî ra mi dest pê no karî kerd. Hêverî palankarî, yew karo zaf hol û ravaç de bi. No karî, mi çiraxtî ra dest pêkerd û ridê heskerdişê no gureyî ra mudeyo kilm de ez musaya û cuwa pey ez bîya westa û mi karê xo dewam kerd. Akyol: “Ez palankarî, yew karî ra zêde sey yew senat vînena. Palankarî karê pîyê min o. Aye ra ez qijîyê xo ra ha no gure kena.
Xora yew zî gereke ti no karî ra hes bikerî. Yew senato zaf zor o û zaf zî sebir wazeno. Yew palan viraştiş yew roj û nêm wextê ma gêno. Serranê verînan de palankarî revaç de bî la nika ha qedîyena. Çend serre cuwa ver Çewlig de humarê dikanê palankaran nêzdîyê desî bî la nika di heb î. Cuwa ver pêro gureyî bi heywanan bînî û no rid ra îhtîyacîyê palanî zêde bî. Averşîyayişê teknolojî ra pey herindê heywanan, motoran û kamyonan guret. Sey temsîlkarê peyênan ê meslekê palankaran ra ma, di mengan de yew palan ancax eşkenî biroşî. Qedîyayîşê no karî de sebebo tewr pîl averşîyayîşê teknolojî yo.”
[image src=”http://www.kirdki.com/wp-content/uploads/2013/04/ki_image001.jpg” lightbox=”yes” frame=”light” align=”left”]Akyol, “Palankarî de eynî wext de kulturê Çewlîgî ra numune zî estî” vano û wina dewam keno : “Ma wexto ke nê palanan virazenî heremê Çewlîgî ra cacîm, plas û kulav şuxulnenî. Vernîyê no karî gureteyo la vîndîbîyayîşê no karî zerra mi qebul nêkena. Ez nêmirîyayîşê no karî û neslê ameyoxî rê rasayîşî wazena. Eke wayîrê no karî nêvejîyo, no kar qedîyeno. Ridê nêy ra par mî serokwezîr Erdoganî rê yew mektube nuşt: Ez karî xo ra zaf hes ken, eke yew şans bidî mi ez wazena no karî bidomnî. Ez wazena no karî berî demanê ameyoxan. Mi berpirsîyaran ra destegirî waşt la çew wayîr nêvejîya û cewabê mektuba mi zî nêame”.
[image src=”http://www.kirdki.com/wp-content/uploads/2013/04/ki_image002.jpg” lightbox=”yes” frame=”light” align=”left”] [image src=”http://www.kirdki.com/wp-content/uploads/2013/04/ki_image001.jpg” lightbox=”yes” frame=”light” align=”left”]