Masto!

Vanî yew şiwane şino eskerîye. Uca de bineyke zî tirkî museno. Rojek qumandan tira vano : “Oglum, git bana yoğurt al da gel.” (Lawê mi, şo mi rê mast bigire û bê.) Lajek xora tirkî hol nêzaneno. Şino dikan. Dikandarî ra vano: “Ğurt var?” (Xurt est o?). Dikandar vano: -Yoktur. (Çin o.) Şino dikano bîn. Uca de zî çin o. Agêreno qereqol û qumandanî ra vano: “Qumandanım ben gitti. La dikan da yoğti.” (Qumandanê mi ez şîya, la dikan de çin bi.) Qumandan vano temam û ey şaweno.

Çend rojî dima eskerî kewenî dore. Tabldotanê xo gênî, hê pabeyê werdî. Werd de faslê, pîlaw û mast estê. Werdpewj faslê û pîlaw keno de û dima lajekî ra perseno: “Yogurt da ister misin?” (Ti mast zî wazenî?) Lajek ewnîyeno tena mast mendo. Uca ra fehm keno ke xurt mast o û qumandanî a roje ti ra mast waşto. Sereyê xo şaneno tê û werdpewj zî ci rê mast keno de. Werdê xo gêno û masa de ronişeno. Ewnîyeno mastî ra û vano: -Weyy! Masto, ti ameyî tîya ti bîyî xurt.