Bi Perwerdeyê Dûrî Kursê Kurdkî

UNÎVERSÎTEYA ARTUKLUYÎ YA MÊRDÎNÎ DE, BI PERWERDEYÊ DÛRÎ KURSÊ KURDKÎ DEST PÊKENÊ

 

Unîversîteya Artukluyî ya Mêrdînî ke Tirkîya de beşa tewr verên yê kurdolojîyî akerda û bi serkewtişanê xo yê ke  nê wareyî de musnaya(mota), nameyê xo ra dana qalkerdiş, na rey zî bi kursanê xo yê ke hetê Merkezê xo yê Perwerdeyê Dûrî ra, do bido. Wina, tena Tirkîya de ney Dinya de yew verênî rê amadekarîye kena.

Goreyê melumatê ke hetê Merkezê Perwerdeyê Dûrî, Cigêrayîş û Tetbîqî ra dîyayê, kîşta kursanê kurmanckî yê ke qasê 2 aşmî yê dewam kenê de sey îlaweyî, rojanê nêzdî de do kursanê neweyan rê; kurmanckî û zazakî dest pêbenê.

Dersî, înternetî ra û ganî benê. Wendakarî eşkenê bi hewayêko aktîf beşdarê dersan bibê, perwerdekaran reyde bikewê têkilî. Semedo ke heme dersî, bi weşanê ganî yenê dayene, arşîvê sîstemî de yenê qeydkerdiş. Wendekarî, eşkenê dersanê ke nêeşkîyayê ci rê beşdar bibê û dersanê verênan reyna temaşe bikerê.

Kursî, hewte de rojêk, 4 saetî (pêroyî 48 saetî) 3 aşmî devam kenê.

Armancê akerdişê kursan no yo ke, ê ke wazenê nê lehçeyanê kurdkî bimusê la semedê şertanê fîzîkî û cografkî ra wayîrê nê şansî nîyê rê îmkanê nê perwerdeyî dayene yo.

 

Seba melumat û muracatî:   http://tyde.artuklu.edu.tr