Kirdkî.com Xirbanê xo ra bigêrîn, şênayîyê şarî ra megêrîn
Kovara Veyveke Darêne bi kirdkî semedê qijan a amede biya. Na kovare pa kovara Bûka Baranê ke bi kurmancî vecîyena tê reyde vecîyena. Nêmeyê kovare kirdkî, nêmeyo bîn zî kurmancî yo. Hewê ewil a ke semedê qijan a yew kovara kirdkî vecîyena. Na hûmara kovarî pê alfabeya kurdî dest pêkena. Dima bi nameyê Veyveka Darêne-Seda Jiyan, Hûmarî-Seda Jiyan, Rîyî Hesenî-Yaxmur Semsûrij, Çibenoke-Seda Jiyan, Pakî-Seda Jiyan, Waya Hewt Birayan-Ehmed Kirkan, Kesa-Seda Jiyan, Domanê Delalî-Ehmed Kirkan, Baxçeyê Hej Savrî-Şadê Agon, Nameyê Mewsîman-Şadê Agon û peynî de zî yew ferhengek esto. Semedê qijan, zaf yew xebata baş a. Ma semedê na xebata erjîyaye kam ke keda ci tede est a tebrîk kenê. Ma hêvîdarê ke sey înan zaf kovarî vecîyenê.
