Kirdkî.com Xirbanê xo ra bigêrîn, şênayîyê şarî ra megêrîn
Arêkerdox: Îsmet Bor
Vanê dewa Pûex de merdimêk bibîyo. Nê merdimî hewn ra zaf hes kerdên; şew û roje rakewtên, reyna hewn ra mird nêbîyen. Dadî û babî o hewn ra kerdên aya, la ey ber û pencerê xo ser o qefilnayên û reyna kewtên ra.
No merdim kam roje ke biamên tever, dewijan ey ra vatên: – Lîya kê emilîyaye! Ti timûtim kûwên ra. Ti qey xwi îr yow kar û gûre nêkên? Merdimî goreyê demsalî/mewsîmî cewabê xo dayên. Eke demsal hamnan bîyên, vatên: – Şima vînên, wa mi îr zimistûn bîyor, şima bîyerîn dîyar cûmîyerdûn, ez senî sêr pîyorê bûnûn ra vowr erzen. Û eg demsal zimistan bîyên o wext vatên; şima vînên ci, wa hêw mi îr ûmnûn bîyor şima vînên ci ez sênî pîyorê argudê dewijûn çînen.
