{"id":3025,"date":"2020-06-16T14:13:39","date_gmt":"2020-06-16T11:13:39","guid":{"rendered":"http:\/\/www.kirdki.com\/?p=3025"},"modified":"2023-02-14T00:39:01","modified_gmt":"2023-02-13T21:39:01","slug":"dasinasnayise-kitabi-tefsire-rosnayi","status":"publish","type":"post","link":"https:\/\/www.kirdki.com\/?p=3025","title":{"rendered":"Da\u015finasnay\u00ee\u015f\u00ea Kitab\u00ee: Tefs\u00eer\u00ea Ro\u015fnay\u00ee"},"content":{"rendered":"\n<p>Namey\u00ea kitab\u00ee: Tefs\u00eer\u00ea Ro\u015fnay\u00ee<\/p>\n\n\n\n<p>Mufes\u00eer: Mehmet \u015eanli (Mela Mehemed\u00ea Hezan\u00ee)<\/p>\n\n\n\n<p>Redaktor\u00ee: \u00cebrah\u00eem \u015eanli, Esat \u015eanli<\/p>\n\n\n\n<p>Ed\u00eetor: Esat \u015eanli<\/p>\n\n\n\n<p>M\u00eezanpaj: Naturel Medya Reklam<\/p>\n\n\n\n<p>\u00c7ap: 2016<\/p>\n\n\n\n<p>C\u00eeld: 1 (I-II), 2(III-IV)<\/p>\n\n\n\n<p>ISBN y\u00ea C\u00eeld\u00ea 1\u00ee: 978-605-66836-1-9<\/p>\n\n\n\n<p>ISBN y\u00ea C\u00eeld\u00ea 2\u00ee: 978-605-66836-2-6<\/p>\n\n\n\n<p>\u00c7apxane: G\u00fcn Matbbac\u0131l\u0131k Be\u015fyol Mah. Akasya Sk. No: 23 K\u00fc\u00e7\u00fck\u00e7ekmece \/ \u0130stanbul<\/p>\n\n\n\n<p>We\u015fanxane: EDUBBA Sosyal Bilim Bilgi \u0130leti\u015fim Merkezi Bas\u0131n Yay\u0131n Reklamc\u0131l\u0131k E\u011fitim San. Tic. Ltd. \u015eti Huzur Evleri Mah. Dr. S\u0131tk\u0131 G\u00f6ral cad. Kalem Sok. No: 32 Kayap\u0131nar\/Diyarbak\u0131r Tel\/Fax: (0412) 228 28 84<\/p>\n\n\n\n<p>ENST\u00ceTUYA KURD\u00ce AMED<\/p>\n\n\n\n<p><strong>Kunyey\u00ea Kitab\u00ee<\/strong><\/p>\n\n\n\n<p>Mela Mehemed\u00ea Hezan\u00ee (\u015eanl\u0131),&nbsp;<em>Tefs\u00eer\u00ea Ro\u015fnay\u00ee \u2013 Bi Ziwan\u00ea Zazak\u00ee (Kirdk\u00ee)<\/em>, Cild I-II, Enst\u00eetuya Kurd\u00ee ya Amed\u00ea, D\u00eeyarbekir 2016, 584 r\u00eepel\u00ee<\/p>\n\n\n\n<p><strong>&nbsp;<\/strong>Mela Mehemed\u00ea Hezan\u00ee (\u015eanl\u0131),&nbsp;<em>Tefs\u00eer\u00ea Ro\u015fnay\u00ee \u2013 Bi Ziwan\u00ea Zazak\u00ee (Kirdk\u00ee)<\/em>, Cild III-IV, Enst\u00eetuya Kurd\u00ee ya Amed\u00ea, D\u00eeyarbekir 2016, 602 r\u00eepel\u00ee<\/p>\n\n\n\n<div class=\"wp-block-image\"><figure class=\"aligncenter size-large\"><img loading=\"lazy\" decoding=\"async\" width=\"360\" height=\"532\" src=\"http:\/\/www.kirdki.com\/wp-content\/uploads\/2020\/06\/tefsirfoto1.png\" alt=\"\" class=\"wp-image-3027\" srcset=\"https:\/\/www.kirdki.com\/wp-content\/uploads\/2020\/06\/tefsirfoto1.png 360w, https:\/\/www.kirdki.com\/wp-content\/uploads\/2020\/06\/tefsirfoto1-203x300.png 203w\" sizes=\"auto, (max-width: 360px) 100vw, 360px\" \/><\/figure><\/div>\n\n\n\n<p><\/p>\n\n\n\n<p>Seke \u015fima z\u00ee zan\u00ee dinya de kitabo ke derheq\u00ea ey de tewr zaf kitab\u00ee nus\u00eeyay\u00ee Qur\u2019an\u00ee Ker\u00eem o. Yan\u00ee kitabo bimbarik y\u00ea muslumanan. Gorey\u00ea ma muslumanan, no kitab het\u00ea Homay\u00ee ra bi ziwan\u00ea ereban \u015firaw\u00eeyayo Hz. Muhemmed\u00ee \u00fb o z\u00ee ma musnayo. Dewr\u00ea peyxamber\u00ee de \u00ea ke dormaley\u00ea ci de y\u00ea hema hema ti vaj\u00ee p\u00earo ereb b\u00ee. Coka \u00eenan r\u00ea \u00e7arnay\u00ee\u015f ney \u00eezahat\u00ea ci (tefs\u00eer\u00ea ci) kerdo. Yan\u00ee \u00eezah kerdo ke n\u00ea ayet\u00ee yen\u00ea \u00e7i mana. Cuwa pey ke h\u00fbmara muslumanan bena z\u00eade, \u00ea ke ereb n\u00eey\u00ea \u00fb erebk\u00ee n\u00eazan\u00ea \u00eenan r\u00ea z\u00ee a\u00e7arnay\u00ee\u015f \u00fb tefs\u00eer\u00ea ci lazim b\u00ee. Milet\u00ea ke wayir\u00ea nu\u015fti\u015f \u00fb wendi\u015f \u00ea \u00fb m\u00eeyan\u00ea \u00eenan de kitab\u00ee zaf \u00ea, xo r\u00ea zanayan\u00ea xo ra vat\u00ea ma r\u00ea n\u00ea kitab\u00ee bi\u00e7arn\u00ean ziwan\u00ea ma. Yew bi yew \u00e7arnay\u00ee\u015f\u00ee r\u00ea z\u00ee van\u00ea meal. Meal\u00ea ci xeyl\u00eak nus\u00eeyay\u00ea. Mude cuwa pey no z\u00ee q\u00eem n\u00eakerdo \u00fb tefs\u00eer\u00ea ci nus\u00eeyay\u00ea. Yan\u00ee Homa n\u00ea \u00e7\u00eeyan vano la n\u00ea \u00e7\u00eeyan ra murad\u00ea ci \u00e7i yo ser o nus\u00eeyay\u00ea. Tefs\u00eeran de qeyde qeyde tefs\u00eer\u00ee est\u00ea la nika babeta ma na n\u00eeya. Ewro, ziwan\u00ea ma yo \u015f\u00eerin de tefs\u00eer\u00eak ez do bid\u00ee \u015finasnay\u00ee\u015f.<\/p>\n\n\n\n<p>No kitab seke ez zana ziwan\u00ea ma de tefs\u00eero ver\u00ean o ( Her \u00e7end bi namey\u00ea Tefs\u00eer\u00ea Qur&#8217;an\u00ee Ker\u00eem Zazak\u00ee kitab\u00eak bibo z\u00ee no kitab gorey\u00ea min h\u00eena zaf maneno meal\u00ee.). No \u00e7i qeyde yew tal\u00eeh o ke 1400 serr\u00ee cuwa pey \u015far\u00ea ma hema newe xo r\u00ea hewce d\u00eeyo ke xo r\u00ea tefs\u00eer binuso. Hin\u00ee sebeb\u00ea ci \u00e7i beno wa bibo peyn\u00eeya pey\u00ean de \u015far\u00ea ma r\u00ea z\u00ee yew tefs\u00eer hedre b\u00eeyo. No kitab het\u00ea mela Mehemed\u00ea Hezan\u00ee ra nus\u00eeyayo. Malumato ke ser o nu\u015fto ra fehm beno ke melay\u00ee no kitab sey \u00e7ar c\u00eeld\u00ee nu\u015fto la \u00e7apkerdi\u015f de sey di c\u00eeld\u00ee \u00e7ap b\u00eeyo. Coka c\u00eeld\u00ea yewin\u00ee ser o nuseno Cildo I-II; c\u00eeldo diyin\u00ee ser o z\u00ee Cildo III-IV nus\u00eeyayo. \u00c7ira wina b\u00eeyo n\u00eazana. Kitab, kaxid\u00ea xo \u00fb c\u00eeld\u00ea xo zaf biqal\u00eete \u00e7ap b\u00eey\u00ee. Sen\u00ee ke ti gen\u00ee xo dest ney ferq ken\u00ee. Kitab de tedey\u00ee ra pey yew vervate ma v\u00eenen\u00ee. No vervate de mela wina vano: \u201cVer\u00ea her \u00e7\u00eey\u00ee destp\u00eakerdi\u015f\u00ea en\u00ea n\u00fb\u015ftey\u00ea xo de ez b\u00eah\u00fbmare sipas\u00eeyan\u00ea xo ay Homay\u00ee r\u00ea kena ke ey Qur\u2019an bi qey qasid\u00ea xo Muhemed\u00ee ardo war. Semed\u00ea n\u00fb\u015fti\u015f\u00ea min \u00ea tefs\u00eer\u00ea (akerdi\u015f\u00ea) Qur\u2019an\u00ea p\u00eeroz\u00ee; bi qey ke watey\u00ea (manay\u00ea) ey erebk\u00ee ra bi ziwan\u00ea zazak\u00ee(kirdk\u00ee) biyer\u00ea zanay\u00ee\u015f\u00ee. \u00db mi no tefs\u00eer zey Tefs\u00eer\u00ea Ro\u015fnay\u00ee name kerd. Gama ke mi eno tefs\u00eer n\u00fb\u015ft, mi tefs\u00eeran\u00ea ver\u00eanan (zey y\u00ea \u00cebn\u00ee Kes\u00eer\u00ee) \u00fb tefs\u00eeran\u00ea neweyan (zey y\u00ea Tefs\u00eer-\u00fbl Mun\u00eer\u00ee y\u00ea Wehbet Zuheyr\u00eey\u00ee) ra s\u00fbd girewt.\u201d<\/p>\n\n\n\n<p>Kitab de ver\u00ea bi \u00e7ar yan panc ayetan\u00ea Qur\u2019an\u00ee bi erebk\u00ee nus\u00eeyay\u00ea dima bin de bi numrey\u00ea ayetan a kilmek\u00ee ziwan\u00ea ma de tefs\u00eer\u00ea ci d\u00eeyayo. Her \u00e7end nu\u015ftox vajo tefs\u00eer z\u00ee tay cayan de sey meal\u00ee nus\u00eeyayo. Yan\u00ee rey rey ti wanen\u00ee ti van\u00ee qey tefs\u00eer n\u00eeyo meal o. Tay cayan de z\u00ee nu\u015ftox xeyl\u00ea \u00eezah kerdo. Tay\u00ea ayetan de sebeb\u00ea waramey\u00ee\u015f\u00ea ayet\u00ee z\u00ee nus\u00eeyay\u00ea. No z\u00ee manaday\u00ee\u015f\u00ea ayetan h\u00eena keno zelal. Hetta ez e\u015fkena naye z\u00ee vaj\u00ee sebeb\u00ea waramey\u00ee\u015f\u00ee bad\u00ea \u00eezahat\u00ea ci d\u00eeyay\u00ea la wendi\u015f\u00ea sebeb\u00ea waramey\u00ee\u015f\u00ee ya pey \u00e7end rey mi hewna \u00eezahat\u00ea ci wend. No \u00e7\u00eey\u00eako we\u015f o. Merdimo ke no kitab waneno, zaf zelal v\u00eeneno ke xeyl\u00ea kede d\u00eeyaya n\u00ea kitab\u00ee.<\/p>\n\n\n\n<div class=\"wp-block-image\"><figure class=\"aligncenter size-large\"><img loading=\"lazy\" decoding=\"async\" width=\"455\" height=\"344\" src=\"http:\/\/www.kirdki.com\/wp-content\/uploads\/2020\/06\/tefsirfoto3.jpg\" alt=\"\" class=\"wp-image-3028\" srcset=\"https:\/\/www.kirdki.com\/wp-content\/uploads\/2020\/06\/tefsirfoto3.jpg 455w, https:\/\/www.kirdki.com\/wp-content\/uploads\/2020\/06\/tefsirfoto3-300x227.jpg 300w\" sizes=\"auto, (max-width: 455px) 100vw, 455px\" \/><\/figure><\/div>\n\n\n\n<p>Ziwan\u00ea melay\u00ee zaf sade yo. Fehmkerdi\u015f\u00ea ci zaf asan o. \u00c7ekuy\u00ea xer\u00eeb\u00ee tede zaf \u00e7in \u00ea. Peyn\u00eeya kitaban de ferheng\u00eak z\u00ee esto.<\/p>\n\n\n\n<p>Seke \u015fima z\u00ee zan\u00ea musluman\u00ee a\u015fma Remezan\u00ee de Qur\u2019an xitim ken\u00ee. Sere ra hetan\u00ee peyn\u00ee wanen\u00ee. Merdim ke erebk\u00eeya ci biwano yew tehm\u00ea \u00eebadetkerdi\u015f\u00ee dano la het\u00ea mana ra \u00e7ew \u00e7\u00eey\u00eak z\u00ee fehm n\u00eakeno eke erebk\u00ee n\u00eazano. Mi z\u00ee \u00e7end serr\u00ee yo ez vana a\u015fma Remezan\u00ee de bi meal a Qur\u2019an\u00ee xitim biker\u00ee z\u00ee bi meal\u00ea tirk\u00ee ya yew hewe z\u00ee mi kar\u00ea xo n\u00eaberd sere. La na serre bi sayey\u00ea n\u00ea kitab\u00ee mi bi zerrwe\u015f\u00ee meal\u00ea ci z\u00ee berd heta peyn\u00ee. Ez e\u015fkena naye vaj\u00ee bi sayey\u00ea n\u00ea k\u00eetab\u00ee wendi\u015f ra mi xeyl\u00ea tahm girewt. Bi sayey\u00ea n\u00ea k\u00eetab\u00ee, manay\u00ea Qur\u2019an\u00ee mi tena fehm n\u00eakerd, h\u00ees kerd. Ez \u015fima r\u00ea z\u00ee silay\u00ee kena ke \u015fima ziwan\u00ea dad\u00eeya xo de qalan\u00ea Homay\u00ee biwan\u00een.<\/p>\n","protected":false},"excerpt":{"rendered":"<p>Namey\u00ea kitab\u00ee: Tefs\u00eer\u00ea Ro\u015fnay\u00ee Mufes\u00eer: Mehmet \u015eanli (Mela Mehemed\u00ea Hezan\u00ee) Redaktor\u00ee: \u00cebrah\u00eem \u015eanli, Esat \u015eanli Ed\u00eetor: Esat \u015eanli M\u00eezanpaj: Naturel Medya Reklam \u00c7ap: 2016 C\u00eeld: 1 (I-II), 2(III-IV) ISBN y\u00ea C\u00eeld\u00ea 1\u00ee: 978-605-66836-1-9 ISBN y\u00ea C\u00eeld\u00ea 2\u00ee: 978-605-66836-2-6 \u00c7apxane: G\u00fcn Matbbac\u0131l\u0131k Be\u015fyol Mah. Akasya Sk. No: 23 K\u00fc\u00e7\u00fck\u00e7ekmece \/ \u0130stanbul We\u015fanxane: EDUBBA Sosyal Bilim Bilgi &hellip;<\/p>\n","protected":false},"author":11,"featured_media":3026,"comment_status":"closed","ping_status":"open","sticky":false,"template":"","format":"standard","meta":{"footnotes":""},"categories":[1],"tags":[],"class_list":["post-3025","post","type-post","status-publish","format-standard","has-post-thumbnail","","category-gen"],"_links":{"self":[{"href":"https:\/\/www.kirdki.com\/index.php?rest_route=\/wp\/v2\/posts\/3025","targetHints":{"allow":["GET"]}}],"collection":[{"href":"https:\/\/www.kirdki.com\/index.php?rest_route=\/wp\/v2\/posts"}],"about":[{"href":"https:\/\/www.kirdki.com\/index.php?rest_route=\/wp\/v2\/types\/post"}],"author":[{"embeddable":true,"href":"https:\/\/www.kirdki.com\/index.php?rest_route=\/wp\/v2\/users\/11"}],"replies":[{"embeddable":true,"href":"https:\/\/www.kirdki.com\/index.php?rest_route=%2Fwp%2Fv2%2Fcomments&post=3025"}],"version-history":[{"count":2,"href":"https:\/\/www.kirdki.com\/index.php?rest_route=\/wp\/v2\/posts\/3025\/revisions"}],"predecessor-version":[{"id":3030,"href":"https:\/\/www.kirdki.com\/index.php?rest_route=\/wp\/v2\/posts\/3025\/revisions\/3030"}],"wp:featuredmedia":[{"embeddable":true,"href":"https:\/\/www.kirdki.com\/index.php?rest_route=\/wp\/v2\/media\/3026"}],"wp:attachment":[{"href":"https:\/\/www.kirdki.com\/index.php?rest_route=%2Fwp%2Fv2%2Fmedia&parent=3025"}],"wp:term":[{"taxonomy":"category","embeddable":true,"href":"https:\/\/www.kirdki.com\/index.php?rest_route=%2Fwp%2Fv2%2Fcategories&post=3025"},{"taxonomy":"post_tag","embeddable":true,"href":"https:\/\/www.kirdki.com\/index.php?rest_route=%2Fwp%2Fv2%2Ftags&post=3025"}],"curies":[{"name":"wp","href":"https:\/\/api.w.org\/{rel}","templated":true}]}}