{"id":2795,"date":"2017-08-26T18:54:44","date_gmt":"2017-08-26T15:54:44","guid":{"rendered":"http:\/\/www.kirdki.com\/?p=2795"},"modified":"2023-02-14T00:39:10","modified_gmt":"2023-02-13T21:39:10","slug":"empati-la-cendek","status":"publish","type":"post","link":"https:\/\/www.kirdki.com\/?p=2795","title":{"rendered":"Empat\u00ee. La \u00c7end\u00eak!"},"content":{"rendered":"

Ya\u015far Baluken<\/strong><\/p>\n

 <\/p>\n

Merdim empat\u00ee bikero, \u00ea b\u00eenan h\u00eena we\u015f fehm keno. Empat\u00ee \u00e7i yo? Qab\u00eel\u00eeyet\u00ea xo herinda yewna kes\u00ee de ronay\u00ee\u015f \u00fb wina h\u00eeskerdi\u015f, wa\u015fti\u015f \u00fb fikiran\u00ea ey fehmkerdi\u015f ra van\u00ee “empat\u00ee”.<\/p>\n

Wa sey pesn\u00eaxodayi\u015f\u00ee n\u00eabo la ez e\u015fkena bineyke empat\u00ee biker\u00ee. Yeno mi v\u00eer, ez hema hewt yan he\u015ftserre b\u00eeya, ban\u00ea ma yo herr\u00een de ma bi keye \u00fb kulfet a telev\u00eezyon de kartonf\u00eelm\u00eak tema\u015fe kerd\u00eane. F\u00eelm de yew lajeko hewt-he\u015ftserre kutik\u00eak weye kerd\u00eane. Mi xo kerdbi herinda \u00ea lajek\u00ee \u00fb mi f\u00eelm wina tema\u015fe kerdbi. Peyn\u00ee de kutik\u00ea lajek\u00ee merdbi. Ez ehende tes\u00eer\u00ea ey de mendb\u00eeya ke hesir\u00ea mi sey \u00e7ir\u00ea dewa Sip\u00eeyen\u00ee ameyb\u00ee war. Niqik\u00ee ginay\u00ee mi ro. \u00ca ke dormaley\u00ea mi de b\u00ee, ver\u00ee p\u00earo \u015fa\u015f bib\u00ee la dima sen\u00ee ke fehm kerd ez ha qey kutik\u00ee bermena, p\u00ea min a yar\u00ee kerdb\u00ee. Dad\u00eeya mi ez kerda xo verarde \u00fb va “Meberme wuk\u00ea mi. Ra\u015ft n\u00eamerdo. F\u00eelm a f\u00eelm.” Dah\u00eeris serr\u00ee v\u00eeyart\u00ee la dej\u00ea \u00ea kutik\u00ee hema z\u00ee han\u00ee yo mi zerr\u00ee de. (Temam, ez z\u00fbr\u00ee n\u00eaker\u00ee, dej n\u00eabo z\u00ee bermayi\u015f\u00ea mi ha yo mi v\u00eer de.) Yan\u00ee ez qay\u00eel a vaj\u00ee, wexto ke ez f\u00eelm\u00eak tema\u015fe biker\u00ee yan z\u00ee kitab\u00eak biwan\u00ee ez xo dekena herinda qehreman\u00ea ci ke ti ra tahm big\u00ear\u00ee.<\/p>\n

Belk\u00ee nika \u015fima vaj\u00ee, \u00eay ma r\u00ea \u00e7i? Yan\u00ee ti wazen\u00ee vaj\u00ee se? Ez kilmek vaj\u00ee. \u015eima z\u00ee bineyke sebir biker\u00ean ke ez rehet b\u00eeyar\u00ee ziwan.<\/p>\n

N\u00eazd\u00eey\u00ea dades serr\u00ee y\u00ea ke ez edeb\u00eeyat\u00ea kirdk\u00ee teq\u00eeb kena, wanena. Hetan\u00ee ke mi ra yeno kitaban de \u00e7ekuy\u00ea ke ez manaya \u00eenan n\u00eazana, bin\u00ea \u00eenan x\u00eaz kena. Ewn\u00eeyena manaya \u00eenan ra. Eke mi ferheng de n\u00ead\u00ee (xwura hema zaf\u00ea xo ferhengan de \u00e7in \u00ea) nat \u00fb wet\u00ea xo ra, nas \u00fb dostan ra persena. Eke anc\u00ee mi n\u00ead\u00ee, ez yew qeyde xo resnena nu\u015ftox\u00ee \u00fb ti ra persena. Zafane ez \u00eenternet\u00ee ser o xo resnena nu\u015ftoxan. Eke nu\u015ftox \u00eenternet n\u00ea\u015fuxulno, o wext kam mintiqa ra yo, ez yew\u00ea a mintiqa ra persena. Yan\u00ee gereke ez bimus\u00ee. No beynate de ez ney z\u00ee vaj\u00ee, ez zaf\u00ea nu\u015ftoxan nas kena. Ez z\u00ee tay n\u00eeya ha!<\/p>\n

Mi wina nu\u015ftoxan ra behs kerd, o ke n\u00eazano vano d\u00ea \u00e7end nu\u015ftoxan nas keno. Ma behs\u00ea kirdk\u00eeya belengaze ken\u00ea; coka p\u00earo p\u00eeya \u00e7end heb\u00ee nu\u015ftox\u00ea ma est\u00ea ke! (Wa no z\u00ee rexney\u00eak bo!)<\/p>\n

Mesela wexto ke Malm\u00eesanij\u00ee folklor\u00ea ma ra nim\u00fbney\u00ee day\u00eane ar\u00ea, ma p\u00eeya lawik\u00ee band de qeyd kerd\u00eane. Ge-ge ma p\u00eeya govende girewt\u00eane. Wexto ke Deniz Gunduz Gimgim de, dewa xo de, ban\u00ea ke bin\u00ea vewre de mend\u00ea nu\u015ft\u00eane, \u015fima van\u00ee kam\u00ee dest e\u015ft huye \u00fb a vewre rute? Anc\u00ee wexto ke \u00ea xal\u00ee qereqol de \u00e7uway\u00ee werd\u00eane can\u00ea kam\u00ee h\u00eena zaf deja? Ro\u015fan Lezg\u00een wexto ke mekteb ra ag\u00earay\u00eane keye, v\u00ea\u015fan bi. Boya go\u015ft\u00ea d\u00eek\u00ee y\u00ea surkerdey\u00ee girewte, kam het de bi. \u015eima n\u00eazan\u00ea \u00ea m\u00earik\u00ee \u00e7i zewt\u00ee werd\u00ea b\u00eele. \u015eima van\u00ea qey ku\u00e7ey\u00ea keyey\u00ea ey de veng\u00ea masero\u015f\u00ee n\u00eaameyo mi z\u00ee? Hela mevaj\u00ea a k\u00eaynaya ke o zimistan ameye biye misafira ey. Ez z\u00ee uca n\u00eab\u00eeya? Tew! Biewn\u00een hal\u00ea xo ra. Mesela, \u00dbmer Faruq Ersoz\u00ee wexto ke a k\u00eayna remna, ma \u00e7i zehmet\u00ee ante? Yan z\u00ee \u00cesmet Bor\u00ee wexto ke vistanik\u00ea dad\u00eeya xo qeyd kerd\u00eane, ez \u00e7end rey o tewir \u015f\u00eeya hewn a! Qey hewr\u00eas\u00ea dewa Kur\u00ee de, ma pa Sey\u00eedxan Kurij a \u00e7iqas qerqil\u00eeyay\u00ee, bermay\u00ee!…<\/p>\n

Na mesela hema bena derge. Ma tehm\u00ea ci de verd\u2026<\/p>\n

Yan\u00ee ez vaj\u00ee, wexto ke ez kitab\u00eak wanena empat\u00ee z\u00ee kena. Ez \u00fb qehreman\u00ea kitab\u00ee ma ben\u00ea yew. Cin\u00ee bo cam\u00eard bo ferq n\u00eakeno. Tab\u00ee, bi no qayde b\u00eanatey\u00ea wendox \u00fb nu\u015ftox\u00ee de z\u00ee yew t\u00eakil\u00ee viraz\u00eeyena. Nu\u015ftox\u00ee \u00e7\u00eey\u00ea ke zaf tenan r\u00ea n\u00eavat\u00ea mi ra vano. Ma b\u00eey\u00ea hemsirr\u00ea yewb\u00eenan.<\/p>\n

Rojan\u00ea wina empat\u00eekan de mi e\u015fnawit ke \u00c7ewl\u00eeg de derheq\u00ea kirdan de panel\u00eak amade beno. Xora b\u00ea mi n\u00eabeno. Ez di saet\u00ee ver\u00ea c\u00fb ra vern\u00eeya salone de amade ya. Amadekar\u00eeye qed\u00eeyaya. Saeta panel\u00ee ameye. Salone dekerde ya. Ha mi d\u00ee. Panel\u00eest\u00ee z\u00ee amey\u00ee. Dor\u00ea \u00eenan qerebalix o.<\/p>\n

To d\u00ee merdim yew nas\u00ea xo xeyl\u00ea mude ra pey biv\u00eeno sen\u00ee beno \u015fa ez z\u00ee wina biya \u015fa. Heval\u00ea mi, hemsirr\u00ea mi amey\u00ee. Amey\u00ee n\u00eazd\u00eey\u00ea ber\u00ea salone. Dor\u00ea \u00eenan qerebalix o la ez z\u00ee ha fek\u00ea ber\u00ee de amade. Aha Malm\u00eesanij vern\u00ee de. Mi d\u00ee. R\u00eey\u00ea ey de pe\u015fmir\u00eeyay\u00ee\u015f\u00eak. Gijik\u00ea ey eyn\u00ee sey fotograf\u00ea ey het\u00ea \u00e7ep\u00ee ya \u015fanekerde. Ver\u00e7imik\u00ea ey \u00ea qalind\u00ee \u00e7iman de. Nika do biyero mi biperso. Do vajo l\u00eeya ti ha \u00e7a? Ma ehende p\u00eeya lawik\u00ee vat\u00ee, kay\u00ee kay kerd\u00ee, lezvatik\u00ee vat\u00ee. Veng qeyd kerd. De\u015f\u00eefre kerd. N\u00eeyo o kitab sen\u00ee bi hedre?! La, la o tewir n\u00eabi? Halla halla! V\u00eeyert \u015fi zere. Beno ke ez ferq n\u00eakerda. Xora serr\u00ea ey z\u00ee est\u00ea\u2026<\/p>\n

Dima Ro\u015fan Lezg\u00een ame. Ro\u015fan do wina n\u00eakero. N\u00eeyo ma mekteb ra amey\u00ee, ma p\u00eeya v\u00ea\u015fan b\u00ee. D\u00eeko s\u00fbrkerde. Zimistan\u00ea D\u00eeyarbekir\u00ee, keye de kes \u00e7in o. Misafir\u00eak ameyb\u00ee. Ez vaj\u00ee, o z\u00ee n\u00eakero xen\u00eem\u00ea xo! N\u00eabo o z\u00ee mi ferq n\u00eakero. \u00c7\u00eey\u00eak \u00e7in bi, to d\u00ee, wexto ke ma keyey\u00ea \u015fima de aray\u00ee kerd\u00eane o dewij\u00ea to amebi; yew hew de sifre esteritbi. \u00c7\u00eey\u00eak masa de n\u00eaverdabi. Ma mat mendib\u00ee.<\/p>\n

Aha! O z\u00ee, seke ez n\u00ead\u00eeya. V\u00eeyert \u015fi. \u015e\u00ee panel. \u00cenan dest bi qal\u00eekerdi\u015f\u00ee kerd. Yan\u00ee \u015fima b\u00eey\u00ee nu\u015ftox, \u015fima b\u00eey\u00ee \u00e7i?!<\/p>\n

Tam a hele de ez b\u00eeya sey qirixan\u00ea D\u00eeyarbekir\u00ee. Van\u00ee ya, zerr\u00eeya yew qirix\u00ee kewta k\u00eaynay\u00eak la n\u00ea\u015f\u00eeyo ti ra n\u00eavato zerr\u00eeya mi kewta to ez to ra hes kena. Xo r\u00ea d\u00fbr\u00ee ra ewn\u00eeyayo. Xo r\u00ea xiyal\u00ee kerd\u00ea. D\u00fbr\u00ee ra k\u00eayna kerda wa\u015ft\u00ee la hay\u00eeya k\u00eayna ey ra \u00e7in a. Wina serr\u00ee v\u00eeyaren\u00ea. Roj\u00eak cesaret\u00ea xo ano p\u00easer, \u015fino ku\u00e7ey\u00eak de xo resneno ci. Dest dano kift\u00ea k\u00eayneke ro. K\u00eayneke tersena, vana “\u00c7ita yo? Ti kam \u00ee, dest dan\u00ee mi kift ro?” Xora qirix\u00ea ma ha yo alem\u00ea xiyalan de, wina yew cewab n\u00eapaweno. Vano “Ma \u015fimd\u00ee b\u00eale oldix?!” (Ma nika wina b\u00ee?!)<\/p>\n

Meseleya mi z\u00ee bineyke wina ya. \u015eima z\u00ee se ken\u00ea biker\u00ean her \u00e7\u00ee eyar de verd\u00ean.<\/p>\n

 <\/p>\n","protected":false},"excerpt":{"rendered":"

Ya\u015far Baluken   Merdim empat\u00ee bikero, \u00ea b\u00eenan h\u00eena we\u015f fehm keno. Empat\u00ee \u00e7i yo? Qab\u00eel\u00eeyet\u00ea xo herinda yewna kes\u00ee de ronay\u00ee\u015f \u00fb wina h\u00eeskerdi\u015f, wa\u015fti\u015f \u00fb fikiran\u00ea ey fehmkerdi\u015f ra van\u00ee “empat\u00ee”. Wa sey pesn\u00eaxodayi\u015f\u00ee n\u00eabo la ez e\u015fkena bineyke empat\u00ee biker\u00ee. Yeno mi v\u00eer, ez hema hewt yan he\u015ftserre b\u00eeya, ban\u00ea ma yo …<\/p>\n","protected":false},"author":11,"featured_media":2796,"comment_status":"closed","ping_status":"open","sticky":false,"template":"","format":"standard","meta":{"footnotes":""},"categories":[1],"tags":[],"class_list":["post-2795","post","type-post","status-publish","format-standard","has-post-thumbnail","","category-gen"],"_links":{"self":[{"href":"https:\/\/www.kirdki.com\/index.php?rest_route=\/wp\/v2\/posts\/2795","targetHints":{"allow":["GET"]}}],"collection":[{"href":"https:\/\/www.kirdki.com\/index.php?rest_route=\/wp\/v2\/posts"}],"about":[{"href":"https:\/\/www.kirdki.com\/index.php?rest_route=\/wp\/v2\/types\/post"}],"author":[{"embeddable":true,"href":"https:\/\/www.kirdki.com\/index.php?rest_route=\/wp\/v2\/users\/11"}],"replies":[{"embeddable":true,"href":"https:\/\/www.kirdki.com\/index.php?rest_route=%2Fwp%2Fv2%2Fcomments&post=2795"}],"version-history":[{"count":5,"href":"https:\/\/www.kirdki.com\/index.php?rest_route=\/wp\/v2\/posts\/2795\/revisions"}],"predecessor-version":[{"id":2832,"href":"https:\/\/www.kirdki.com\/index.php?rest_route=\/wp\/v2\/posts\/2795\/revisions\/2832"}],"wp:featuredmedia":[{"embeddable":true,"href":"https:\/\/www.kirdki.com\/index.php?rest_route=\/wp\/v2\/media\/2796"}],"wp:attachment":[{"href":"https:\/\/www.kirdki.com\/index.php?rest_route=%2Fwp%2Fv2%2Fmedia&parent=2795"}],"wp:term":[{"taxonomy":"category","embeddable":true,"href":"https:\/\/www.kirdki.com\/index.php?rest_route=%2Fwp%2Fv2%2Fcategories&post=2795"},{"taxonomy":"post_tag","embeddable":true,"href":"https:\/\/www.kirdki.com\/index.php?rest_route=%2Fwp%2Fv2%2Ftags&post=2795"}],"curies":[{"name":"wp","href":"https:\/\/api.w.org\/{rel}","templated":true}]}}