Xeberê Peyênî
Zîpe

Zîpe

Îsmet Bor

Emser 24ê sibatê de zîpeyî yenê de. Zîpe kulturê ma de cayo ke zaf muhîm genê. Zaf çî zîpan ser o

vajîyeno. Nînan ra tayî wina yê:

Zîp, zîpê dar o

hewtêsê adar o

melêk xêrûn yeno war

aye şerî şino dîyar

Vatox: Xeyrî Alcu

Mintiqa: Kemalûn Cûar

XXX

Wa zîpê tern îb,

Wa kerrê bivarî

Yanî wextê zîpan de varayiş zaf muhîm o. Gera çîyêk bivaro, eke mevaro beno ke xela rabo.

Vatoxe: Almast Bor

xxxxx

new ( dokuz ) adare

ya qûç kena

ya puç kena

Semedê Tuşkeka vajîyena, yani ya vewre varena ya pakayo vewrê nevarena.

Vatox: Rehîm Alcu

Mintiqa: Kemalûn Cûar

Rûej bî deerg,

Kewûnî bî keerg

Pîzê bî veerg

Şîroveyî qefelîyaye yî

Scroll To Top
Pêro heqê na sîteyî ayê www.kirdki.com'ê. Na sîte pê çîynermê komputure ye azad ra virazîyaya. Seba têkilîya infokirdki@gmail.com - Web Dizayn: Yo-Ten