Xeberê Peyênî
Grûba Xebate Ya Vateyî Dîyarbekîr De Ame Pêser

Grûba Xebate Ya Vateyî Dîyarbekîr De Ame Pêser

Kombîyayîşê 24. Dîyarbekir de beno. Grûba Xebate ya Vateyî  ke nêzdîye vîst serrî semedê standartkerdişê kirdkî ser o xebetîyena, kombîyayîşê xo yê 24in Diyarbekir de viraşt. Kombîyayîşê 24in bênatê 30-10-2013 de dest pêkerd û 02-11-2013 de qedîya. Grûbe serre de di rey kom bena. No, kombiyayişê diyin ê na serrî yo.

Endamê grûbê ke beşdarê nê kombiyayişê bî, nê yê; Nadîre Guntaş Aldatmaz (Dêrsim), Serdar Bedirxan (Pîran), Munzur Çem (Dêrsim), J. Îhsan Espar (Pîran), Huseyîn Kulu (Dêrsim), Roşan Lezgîn (Licê), M. Malmîsanij (Pîran), Mehmet Selîm Uzun (Pali), Mehmud Nêşite (Licê), Cemal Pîranij (Pîran), Mehmet Taş (Dêrsim), Şukrî Urgun (Hêni), Muzafer Xeylanij (Pali), Polat (Çêrmûge), Denîz Gunduz (Gimgim), Netîce Altun (Pasûr), Zulkuf Demirtaş (Pali), Doxan Karasu (Çewlîg),Nureddîn Celalî (Çewlîg), Îbrahîm Bîngol (Gimgim)

Rojevê kombîyayîşê 24in nê mewzuyî bî;  tayê çîyê muhîmî, nameyê heywanan û kayan, termê peymawitişî, termê xebata akademîke, termê zemanî, termê abstrakî, çekuyê cuya dewe û nameyê karan. Kombîyayişê de mewzuyanê rojeve ra yew qisim çekuyî tespît bî û çend qerarê bînî amê girewtiş. Grûbe, Sewregi ra Ehmed Kirkan sey endam qebul kerd, Redaksîyonê Kovara Vateyî  da Munzur Çem, Mehmet Selîm Uzun û Nureddîn Celalî. Grube kombîyayişê xo yê 25in Çewlîgi de virazena.

vatekom

3 Şîrove

  1. yo merdım çoligıj tena ho ujad. awiz sosyolog… eg ma pyera yın şi, ma otır ser qıne xud nışen ru…mevajin mazi ğewityen…eg şima çend yın ryeçe yın ser vınder, şıma exnena ser qıne xud nışen ru…nume çolig çewlig nyu, nume çolig Çolig’a. ma hama nyezun nume welat xu vaj…

    • şİHAB dEŞTİJ

      Bira Hesar,vercî ma z’ zey tû fîkrîneyn la ina mesela ona nîya.Ma vaj ti yew hîkaye nuseyn gereka heme mintiqey zazon ini nuştey tû ra gerek fehm mekir.Yanî ke nuşte sade qey dewê xû ya ninusen.İni heme zono dê onayo.Mesela tirkî de z’ onayo.iNKEY PERO TİRKÎ îSTANBÛL QAL KÊN.Vercî her başar ayrî yow fêk tirkî qalkerdên.Yî z’ vêyney ona çî nibeno,yîn iz zon ard standart ser.Zaf silom

      • deza merxaba. mı mesaj tı wend la ez zazaki qayıl nyeb cewab bi tı.zazakid ez bıne gyınen de. Tırku Tırkiye bacar ıstanbul qawıl kerda amenna, faqat zazakiye vate grubi, nye ıne çoliga nye ıne eznyez ıne çaya. 7 tyen ume pesyer xu ser yo zazaki veta. nume ın guri ‘zu vıraştkerdış, fek ujay itay nyu’. sari çımu ser deza…
        zuar ginan yın kurmuncira yo qal gyen, zuar ginan cı xu kyen pit, xu ser yo qal vejen, bra in gure otır nyeben…

Cewab Bide Ci

Namnîşanê e-mailê şima nêweşanîyeno.Cayê ke bi naye * nîşanbîyayeyî mecburî yê *

*

Şu HTML etiketlerini ve özelliklerini kullanabilirsiniz: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top
Pêro heqê na sîteyî ayê www.kirdki.com'ê. Na sîte pê çîynermê komputure ye azad ra virazîyaya. Seba têkilîya infokirdki@gmail.com - Web Dizayn: Yo-Ten