Xeberê Peyênî
Şerefname De Mîreyê Mirdasîyan Qismê Çêrmûge

Şerefname De Mîreyê Mirdasîyan Qismê Çêrmûge

Bacare ermug de qesra mireyan

Bajarê Çêrmûgî de Qesrê Mîreyan

       Qismê hîrêyin derheqê mîreyanê Çêrmûge de yo

Verê cû zî behsê ci bi ke kalikê Mirdasîyan Mîr Mehemed wexto ke welatê xo qijanê xo mîyan de bare kerdêne diza Baxinî da lajê xo Tîmurtaşî û diza Berdincî zî da Husên begî. Tayê vateyan gore Husên beg dezayê Mîr Mehemedî yo, vateyê bînî gore zî lajê ey o. Her hal û kar de Mîr Husên na dize dişmenî ra pawite û tede hukim kerd. Peynî de wefat kerd. Lajê ey mîr Seyfedîn kewt herinda babîyê xo. O zî merd, lajê ey Şah Yusif kar û gureyê mîretî rayîr ra berd. Wexto ke ey na dinyaya xirabe terk kerde lajê ey Welat begî cayê ey girewt, bi mîre. Badê mergê ey Şah Elî beg bi serdarê qewm û eşîrê Çêrmûge. O zî no wareyo bêpeynî ra şi. Badê mergê ey Îsfendîyar begî mîretî girewte xo dest. Kar û gureyê mîretî rayîr ra berd. Ey dima Bayundur beg ame sere. Badê şîyayîşê ey ê nê mekanê fanî ra hetê mekanê eslî ya, heme gureyê hukmatî zî kewtî Mehemed begî dest. O wext welatê Çêrmûge de qizilbaşan (sefewîyan) hukim kerdêne. Mehemed begî Çêrmûge înan dest ra vete û xelesna. Sey qaydeyê verî sey babî û kalikanê xo welatê Çêrmûge îdare kerd. Wexto ke usmanîyan Dîyarbekir girewt binê hukmê xo Mehemed begî sultan Yawuz Selîmî ra semedê welatê Çêrmûge yew mulkname girewt. Badê cû zî sultan Silêmano Qanûnî zî no mulkname mohr kerd. O tarîx ra nat Çêrmûge bî ocaxa irsî yê na famîla. Labelê xerac û baco ke filleyanê Çêrmûge ra amêne girewtiş dîyayênî dîwanê Dîyarbekirî. Her serre no hasilat teslîmê xezînaya Amedî bîyêne. Nika (serra 1597) hukmatê ê welatî hama ra zî Mehemed begî dest de yo.

Camiya ah El begi serra 1517 de virata

                      Camîya Şah Elî begî serra 1517 de virazîyaya

ermuga veren

  Çêrmûga verên

 Hemama ah El Beg

Hemama Şah Elî Begî

Cewab Bide Ci

Namnîşanê e-mailê şima nêweşanîyeno.Cayê ke bi naye * nîşanbîyayeyî mecburî yê *

*

Şu HTML etiketlerini ve özelliklerini kullanabilirsiniz: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top
Pêro heqê na sîteyî ayê www.kirdki.com'ê. Na sîte pê çîynermê komputure ye azad ra virazîyaya. Seba têkilîya infokirdki@gmail.com - Web Dizayn: Yo-Ten