Kirdkî.com Xirbanê xo ra bigêrîn, şênayîyê şarî ra megêrîn
Nuştoxanê ma ra Îsmet Bor, vistanikanê Çewlîgî arêdayî û sey kîtabî weşana. Kîtab Weşanxaneyê Roşna ra vejîya. Na reya ewil a ke Weşanxaneyê Roşnayî kîtabê sanikan weşana. Kîtab de 61 hebî vistanîkî(sanikî) estê. Kîtab 352 rîpelî ra ameyo pîya. Edîtorîya kîtabî Roşan Lezgînî kerdo. Pêşkêşî de edîtor wina vano: “Sanikê ke nê kitabî de yê helbet hetê kulturî ra, hetê cuya sosyale ra, hetê qabîlîyetê hunerî û edebî yê kirdan ra zah muhîm ê. La hetê ziwanî ra, bitaybetî hetê qaydeyanê fekê Çewlîgî ra muhîmêr ê.”
Arêkerdox Îsmet Bor zî vateyo verên de wina vano: “Mi waşt ke vistonikê ma vîndî nêbî. Senî gi dadîye mi ardê resnayê mi, ez zî neslm ma yê ameyeyî rê verdî, ez neqlê înan bikerî. A dinyaya ma ya ke bi “cêk ben cêk nîben”a dest pêkerdên, mi waşt ke ez newe ra şên bikerî.
Ma kesê ke no kîtabo erjîyaye de keda ci estê rê spas kenî û her daîm serfirazî wazenî.
Komîsyonê kirdki.com
