Otto Blau

Otto Blau (21.04.1828-26.02.1879)

       Otto Blau 21 nîsane 1828 de Nordhausen de ame dinya. Esilê xo Alman bi. Bajarê Leîbzîg de îlahîyat û felsefe wend. Ziwananê rojhelat ser xebetîya. Serra 1852 de ame Îstanbul. 1858 de zî Trabzon de bi konsolosê dewleta Prusya. Otto Blau wexto ke konsolos bi ame welatê Dêrsim û Erzîngan. Nê gêrayişê ey de Wilhelm Strecker zî ey reyde bi.[1] Otto Blau hem yew dîplomat û hem zî etnograf bi. Welatê Dêrsim de mîyanê eşîranê zazayan de gêra û derheqê ziwan, bawerî û kulturê înan da malumat arê da. No malumatî zî neşr kerd.[2] Otto Blau hîna zaf mintiqaya Duşik (Tujik) de gêra. Derheqê eşîranê na mintiqa de malumat da arê. Dima zî şi welatê Quzîçan.  Mîreyê mintiqaya Quzîçan Şêx Husênoxlî bi. Goreyê malumatê Otto Blau eşîrê mintiqaya Duşikî nê yê.

Çariqlî (Şêx Husênoxlî)                                                              Abbasuşaxî

Şemiklî                                                                                    Gulabîuşaxî

Qureşlî                                                                                    Ferhaduşaxî

Lolanglî                                                                                    Riskeuşaxî

Aşuranlî                                                                                   Karabaluuşaxî

Demanlî                                                                                   Kerîmoxluuşaxî

Basxeranlî                                                                               Rotanîuşaxî

Galanlî                                                                                    Letçînuşaxî

Mewalî                                                                                    Topuzuşaxî

Bagistîyarlî                                                                              Beytuşaxî

Sûroxluuşaxî

Otto Blau sewbîna derheqê bawerîyê şarê welatê Dêrsimî malumat dano. Vano şarê Duşik hemeyî qizilbaş ê. Hezretî Elî semedê înan merdimêko muhîm o. Keyeyê hezretî Elî zî zaf muhîm o. Menga muharremî de Aşura virazenî. Menga şewwal de zî roşanê Xidirellezî yo. Merdimê ke hetê bawerî de pîl ê, ci rê vanî seyîd.

      Otto Blau wexto ke şi hetê Quzîçan uca de Wilhelm Strecker reyde ziwan ser o xebat kerd. Fekê Quzîçan ra tay çekuyî arê dayî. Çekuyê ke Blau neşr kerdî nê yê:

Non (Nan)                                               Tîji                                           Çem (Çim)

Avo (Aw)                                                Aşmi                                        Fik (Fek)

Sole                                                      İstiri (Estare)                             Goş

Mum (Mûm)                                           Lille (Serr)                                 Dest

Mûru (Mûra)                                           Şişaşmi (Nîmserr)                      Lingi

Saye                                                     Herîaşmi (Hîrêaşmî)                   Cinî

Arde                                                      Sêaşmi (Yew aşm)                    Cimirdi (Camêrd)

Goşd                                                     Hîga (Hêga)                               Lacik (Lajek)

Bise (Biz)                                              Genem                                      Çinek (Kênek)

Mîye (Mêşna)                                        Cow (Cew)                                 Cemiyet (Cemat)

Astori                                                   Hok (Hak)                                  Maye

Ga                                                       Kerk (Kerg)                                Baw

Guke (Golik)                                         Serinci (Zaranc)                          Bira

Herin (Her)                                            Awriş (Hargoş)                           Woye (Way)

Hot (Şit)                                               Kuçik (Kutik)                              Tornun (Torn)

Eron (Rûn)                                           Muye (Muy)                                Amîge

Kolî                                                     Kemûr (Kera)                              Xal

Wore (Vor)                                          Cenawar (Cinawir)                        Pîrek (Pîrik)

Şilî                                                     Xiz (Xoz)                                     Dîka (Day)

Hingerîr (Engur)